A Semana Santa 2026 en A Pobra do Caramiñal propón unha serie de actividades pensadas para gozar do patrimonio natural, cultural e tradicional do municipio entre o 1 e o 5 de abril. Obradoiros, rutas guiadas e actividades familiares forman parte desta axenda organizada pola área de turismo local.
As actividades requiren inscrición previa e están dirixidas tanto a visitantes como á veciñanza que queira coñecer mellor a contorna do municipio.
Mércores, 1 de abril
Obradoiro de marisqueo a pé na praia dos Areos
A programación comeza cun obradoiro de marisqueo a pé, no que as persoas participantes poderán coñecer de primeira man as técnicas tradicionais de recollida de marisco e a importancia desta actividade na cultura mariñeira local.
- Punto de encontro: Casa Mariñeira
- Hora: 12:00 h
- Prezo: 6 € para menores de 10 anos / 12 € para maiores de 11 anos
Xoves Santo, 2 de abril
Xogos tradicionais no Cantón da Leña
Durante a tarde do xoves celebrarase unha xornada dedicada aos xogos tradicionais, pensada especialmente para o público familiar, na praza do Cantón da Leña.
- Hora: a partir das 17:30 h
- Actividade gratuíta
Esta proposta busca recuperar xogos populares e fomentar a convivencia e a participación interxeracional.
Sábado de Pascua, 4 de abril
Ruta turística polo río das Pedras
O sábado terá lugar unha ruta guiada polo entorno natural do Río das Pedras, guiada por Joaquín Rubal.
- Recomendada para maiores de 12 anos
- Punto de encontro: fronte á Casa Mariñeira
- Hora: 10:00 h
- Prezo: 15 € por persoa
O prezo inclúe o traslado en microbús ata o Miradoiro de Valle-Inclán, punto desde o que comezará parte do percorrido.
Domingo de Pascua, 5 de abril
Andaina guiada polos Areos: descubrindo o barrio industrial do Caramiñal
A programación rematará cunha andaina guiada polos Areos, centrada na historia e evolución do antigo barrio industrial do Caramiñal, da man de José Manuel Vázquez “Queté”.
- Recomendada para maiores de 12 anos
- Punto de encontro: Paseo dos Areos, fronte á estatua da Pescantina
- Hora: 11:00 h
- Actividade gratuíta
- Prazas limitadas
Inscricións e información
Todas as actividades están suxeitas a inscrición previa.
As persoas interesadas poden obter máis información e formalizar a súa inscrición na oficina de turismo situada na Casa Mariñeira (parque do Castelo).
Horario de atención:
- Do luns 30 de marzo ao sábado 4 de abril
- De 10:00 a 14:00 h e de 17:00 a 19:30 h
Contacto:
📧 turismo@pobra.gal
📞 671 090 262 / 687 482 835 / 981 843 280 (ext. 2035)
🌐 turismo.apobra.gal
0 comentarios